మన గ్రామాలలో ప్రముఖంగా కనిపించే అడ్డసరం వర్ణించడానికి వీలులేని ఘనమైన ఓషధి . . .

దీనిని వైద్యమాత అంటారు . . .

ఊపిరితిత్తుల్లో జబ్బులకి ఇది తిరుగులేని ఆయుర్వేద ఔషధం . . .

అనాదిగా దీనిని దీర్ఘకాలికమైన శ్వాస రోగాలకు ఉపయోగించడం వైద్య సంప్రదాయంగా వుండేది . . .

అయితే, ఈ చెట్టును అనేక విధాలుగా పరిశీలించిన ప్రాచీన శాస్త్రవేత్తలు అనేక ఇతర రోగాలకు కూడా ఇది తిరుగు లేకుండా పని చేస్తుందని నిరూపించారు. 

అడ్డసరం పెరటి మొక్కే . . . 

సరిహద్దు కంచెలుగా ఈ మొక్కల్ని పెంచుకుంటారు కూడా !

గ్రామాల్లో ప్ర‌జలు ఈ మొక్కను చూసిన‌ప్ప‌టికి అది ఔష‌ధ మొక్క అని వారికి తెలిసి ఉండ‌దు . . . 

చాలా మంది దీనిని పిచ్చి మొక్క‌గానే భావిస్తూ ఉంటారు . . . 

కానీ ఈ మొక్క ప్ర‌తి భాగం కూడా ఔష‌ధ గుణాల‌ను క‌లిగి ఉంటుంది . . .

దీని ఆకులు, పూలు, కాడలు, వేర్లు, ఇలా సర్వాంగాలు ఉపయోగపడేవే . . .

ఈ చెట్టు గురించి తెలుసుకున్న ఒక్కవ్యక్తి గ్రామంలో వుంటే ఇక ఆ గ్రామంలో అనేక రోగాలను తరిమికొట్టవచ్చు . . .

అయితే, ఈ ఆధునిక కాలంలో గ్రామీణులకు కూడా ఈ అడ్డసరం గురించి తెలియకపోవడం అమిత విచారకరం . . . 

దగ్గు, 
ఉబ్బసం, 
ఊపిరితిత్తుల వ్యాధులు, 
రక్తస్రావ వ్యాధులు, 
కామెర్లు, 
షుగరు వ్యాధి, 
వాంతులు, 
చర్మ వ్యాధులు, 
జ్వరాలు, 
హృదయ వ్యాధులు, 
గొంతు వ్యాధులు, 
మూత్ర వ్యాధులకు దివ్య ఔషధి . . .

తగిన మోతాదులో తీసుకుంటే ఇన్సులిన్‌ ఆధారిత షుగరు వ్యాధిలో కూడా ఇది బాగా పనిచేస్తుంది . . .

దీంట్లో వాసినైన్‌ ఇంకా మరికొన్ని రసాయనాలున్నాయి . . . 

ఇవి ఈ ఫలితాలు కలగటానికి కారణంగా భావిస్తున్నారు . . .

వీటికి సూక్ష్మజీవి నాశక గుణాలు,
పుండును మాన్పే గుణాలు, 
కాలేయం, ప్లీహం వంటి అవయవాల్ని బల సంపన్నం చేసే గుణాలు,
విషదోషాలను హరించే గుణాలు,
కఫాన్ని ఎసిడిటీని తగ్గించే గుణాలు ఉన్నాయి. 
దీని ఆకులతో ఇనుముని శుద్ధి చేస్తారు . . .

ఆయుర్వేదంలో వాసారిష్ట, వాసావలేహ్యం, మహా విషగర్భ తైలం లాంటి ఔషధాలు తయారౌతాయి . . .

భారత ఉపఖండంలో ప్రసిద్ధ ఔషధం ఇది . . .

దీని ఆకులు చేదుగా ఉంటాయి . . .

కఫ దోషాన్ని, పైత్య దోషాన్ని పోగొడతాయి . . .

అందుకని సాధారణంగా దీన్ని ఆహార యోగ్యమైనదిగా భావించం మనం . . .

ఆ చేదుని తీసేయగలిగితే అడ్డసరం గొప్ప ఆహార ఔషధం కాగలుగుతుంది కదా !

                ఇప్పటికైనా ప్రతి ఒక్కరు దీని గురించి తెలుసుకొని అందరికి తెలియజేసి అందరి ఆరోగ్యానికి కృషిచేయవలసిందిగా కోరుతున్నాము . . .





అడ్డసరం - పేర్లు

సంస్కృతంలో వాసక, వైద్యమాత, అటరూష అని, 
హిందీలో అడూస, విసోంట అని,
తెలుగులో అడ్డసరం అనీ,
లాటిన్ లో Adhatoda Vasika and Justicia Adhatoda ,
ఆంగ్లంలో Malabarnut అంటారు .


అడ్డసరం - రూప గుణ ప్రభావాలు

దీనివేర్లు, ఆకులు చేదుగా వుంటాయి. 

ఇవి శరీరం లోని వాత, పిత్త, కఫ సంబంధమైన సర్వవ్యాధులను సంహారం చేయగలవు . . .

ముఖ్యంగా పైత్యం, శీతపైత్యం, రక్తపైత్యం, శ్లేష్మం, దగ్గు, మేహం, క్షయరోగం, కుష్ఠు రోగం, మొదలైన అనేక వ్యాధులకు ఈచెట్టు చరమ గీతం పాడుతుంది . . .


పాండురోగం అనబడే - రక్తహీనతకు

అడ్డసరపాకులు 10గ్రా॥, 
ధనియాలు 10గ్రా॥, 
కరక్కాయలబెరడు 10గ్రా॥ 
కలిపి నలగ్గొట్టి అర లీటరు మంచి నీటిలో వేసి రాత్రి నుండి ఉదయం దాకా నానబెట్టి ఉదయం వడపోసుకొని 
ఆ నీటిలో ఒకచెంచా కండ చక్కెరపొడి కలిపి పరగడుపున తాగుతుంటే పాండురోగం హరించిపోతుంది . . .



భగందరానికి - అడ్డసరం ఆకు

అడ్డసరపాకును మెత్తగానూరి
బిళ్ళలాగా చేసి దాని పైన కొంచెం సైంధవ లవణం పొడి చల్లి దాన్ని ఆసనం పక్కన పుట్టిన భగందరం అనబడే లూటీ పైన వేసి కట్టు కడుతూ వుంటే భగందరం మాడిపోతుంది . . .


అన్నిరకాల - కామెర్లరోగాలకు

అడ్డసరపాకును కడిగి దంచి తీసిన రసం 15గ్రా॥
మంచి పట్టుతేనె 20గ్రా॥ 
కలిపి ఒక మోతాదుగా మూడుపూటలా ఇస్తూ వుంటే 
ఏ విధమైన కామెర్ల వ్యాధి అయినా ఏడు నుండి పదిరోజులలో తగ్గిపోతుంది . . .


ఉబ్బసానికి - అడ్డసరం చుట్ట

అడ్డసరం ఆకులు మరియు వేర్లపై వుండే బెరడు 
ఈ రెండింటిని కలిపి పొడి కొట్టి నిలువ వుంచు కోవాలి . . .
ఈ పొడిని పొగతాగే చిలుము గొట్టంలో పోసి అంటించి 
ఆ పొగ పీలుస్తూ వుంటే క్రమంగా ఉబ్బసం హరించి పోతుంది . . .


అడ్డసరంతో - అందాల వెంట్రుకలు

అడ్డసరం ఆకులు దంచి తీసినరసం రెండు కేజీలు, 
త్రిఫలాలు దంచి తీసిన రసం అరకేజీ, 
నువ్వుల నూనె రెండు కేజీలు 
కలిపి చిన్న మంటపైన పదార్థాలన్నీ ఇగిరిపోయి నూనె మిగిలేవరకు మరిగించాలి . . .

తరువాత దించి చల్లార్చి గాజు సీసాలో నిలువ చేసుకోవాలి . . .

ఈ తైలాన్ని రోజూ తలకు రాసుకుంటూ వుంటే 
మెదడుకు బలం కలగడమేకాక తలలోని చుండ్రు, పుండ్లు, గుల్లలు, దురదలు తగ్గిపోయి క్రమంగా తెల్ల వెంట్రుకలన్నీ నల్లబడతాయి . . .


క్షయదగ్గు - తగ్గుటకు

అడ్డసరపాకు రసం 20గ్రా॥, 
తేనె 5 గ్రా॥ 
కలిపి ఒక మోతాదుగా రెండుపూటలా రోజూ సేవిస్తూ వుంటే 
క్రమంగా క్షయదగ్గు పూర్తిగా తగ్గిపోతుంది . . .


అన్నిరకాల - శ్లేష్మరోగాలకు

అడ్డసరపాకురసం 20గ్రా॥, అల్లంరసం20గ్రా॥॥ కలిపి రెండు పూటలా మూడు రోజుల పాటు తాగుతూ ఉంటే 
గొంతులో అడ్డుపడే కఫమంతా కరిగి పడి పోయి శ్లేష్మ సమస్య నివారించబడుతుంది . . .


దురదలను - దుమ్ముదులిపే యోగం

అడ్డసరపాకు, 
పసుపు 
సమంగా తీసుకొని తగినంత గోమూత్రం తో మెత్తగా నూరి దురదల పైన పట్టించి 
అది బాగా ఆరిపోయిన తరువాత గోరు వెచ్చని నీటితో స్నానం చేస్తుంటే దురదలు, దద్దుర్లు ఖచ్చితంగా తగ్గిపోతాయి . . .


అన్నిరకాల దగ్గులకు - అడ్డసరం

అడ్డసరపాకులరసం 5గ్రా॥, తులశాకురసం 5గ్రా॥, 
తేనె 5 గ్రా॥ 
కలిపి రెండుపూటలా సేవిస్తుంటే 
ఏ రకమైన దగ్గు అయినా ఎగిరిపోతుంది . . .


అనేక రోగాలకు - అడ్డసర లేహ్యం

తయారీవిధానం : 

ఒక కేజీ అడ్డసరపాకులను కొంచెం నలగ్గొట్టి 
ఎనిమిది కేజీల మంచి నీటిలో వేసి 
రెండు కేజీల కషాయం మిగిలే వరకు మరిగించి దించి వడపోసుకోవాలి. 
ఈ కషాయంలో పటిక బెల్లంపొడి ఒక కేజీ 
మరియు 
కరక్కాయ బెరడు పొడి 640గ్రా॥ 
కలిపి చిన్నమంట పైన వండాలి . . .
ఆ పదార్థం గడ్డ కడుతూ పాకానికి వచ్చిన తరువాత 
అందులో తవాక్షీరి చూర్ణం 40గ్రా॥ 
దాల్చిన చెక్క పొడి10గ్రా॥ 
పిప్పళ్ళ పొడి 20గ్రా॥ 
ఆకుపత్రి పొడి10గ్రా॥, 
ఏలకుల పొడి 10గ్రా॥, 
నాగకేసరాల పొడి 10గ్రా॥ 
వేసి బాగా కలదిప్పాలి . . .
పాత్రను దించి చల్లారిన తరువాత అందులో తేనె 80గ్రా॥ కలపాలి . . .
ఇదే అద్భుతమైన అడ్డసరలేహ్యం .  . .

వాడే విధానం : 

పూటకు 5 గ్రా॥ మోతాదుగా రెండు పూటలా తిని 
ఒక కప్పు ఆవుపాలు తాగాలి . . 

లాభాలు : 

పిల్లల కొరింతదగ్గులు,
పిల్లల మరియు పెద్దల మలబద్దకం,
అతిదాహం, 
కడుపు పొంగు, 
క్షయరోగం, 
ఉబ్బసరోగం, 
దగ్గు, 
పడిశ భారం, 
గుండె బలహీనత మొదలైనవన్నీ హరించి పోయి 
సంపూర్ణ ఆరోగ్యం కలుగుతుంది . .  .


రక్తపిత్త రోగానికి - అడ్డసరం

దగ్గితే నోటి వెంట రక్తం పడే సమస్యను రక్త పిత్తం అంటారు. 
ఈ సమస్యకు 
అడ్డసరం ఆకురసం 20గ్రా॥,
కండచక్కెరపొడి 10గ్రా॥, 
తేనె 5గ్రా॥ 
కలిపి పూటకు ఒక మోతాదుగా 
రెండు పూటలా సేవిస్తుంటే 
రక్తం పడటం వెంటనే ఆగిపోతుంది . . .


మొండి ఉబ్బసానికి - జగమొండి యోగం

అడ్డసరపాకు రసం 10గ్రా॥,
వాకుడు పండ్ల రసం 10గ్రా॥, 
ఉత్తరేణి ఆకురసం 10గ్రా॥
తేనె 20గ్రా॥ 
కలిపి రోజూ పరగడుపున సేవించాలి. .  . 
ఇదే రసాన్ని తేనె కలపకుండా సాయంత్రం పూట సేవించాలి . . .
ఇలా చేస్తుంటే అతిమొండి ఉబ్బస రోగం అయినా 40 రోజులలో తగ్గిపోతుంది . . .


శరీరంలో ఎటునుండి రక్తం పోతూవున్నా ?

అడ్డసరపాకులు దంచి తీసిన రసం 
ఒక పాత్రలో పోసి 
పొయ్యి మీద పెట్టి 
చిన్న మంట పైన మరిగిస్తూ 
రసం విరిగిన తరువాత 
దించి వడపోసి 
దానిని 50 గ్రా॥ మోతాదుగా లోపలికి సేవింప చేస్తుంటే 
ఎటు వంటి రక్త ప్రవాహమైనా కట్టుకుంటుంది . . .





- స్వస్తీ . . .


.