అద్దె కొంప కదరా !
ఆశలు ఎందుకురా !!
తొమ్మిది గడపల ఇల్లు !
తొంగి చూడు నీచం రా !!
ఆహారం అద్దె కట్టి !
నిరంతరం నీరు పెట్టి !
పట్టు బట్టలు కట్టి !
పట్టమూ కడితె !
ఏక్షణం కూలునో !
ఎక్కడది రాలునో !!
విందులోన ఆహారం !
ఓహో అంటావు !!
తిన్నాక బయటికొస్తే !
చీ చీ అంటావు !!
పైపైన తోలు చూసి !
ఆహా అంటావు !!
తోలు తీసి లోనచూస్తే !
గుడ్లు తేలేస్తావ్ !!
చెప్పేది నచ్చకుంటే !
వేదాంతం అంటావు !!
అవసరం నీకుంటే !
పొర్లుదండలే పెడతావు !!
ఇదేమి చిత్రం !
సత్యం అంతా తేటతెల్లమై !
కనబడుతున్నా మారని మనుషులు !!
ఏదీ నీతో రాదని తెలుసు !
ఏదీ నీది కాదని తెలుసు !
మాంసపు ముద్ద నువ్వైతే !
మట్టిలోన కలుస్తుంది !!
ఎముకుల గూడు నువ్వైతే !
ఏటి ఒడ్డున కాలుతుంది !!
నేనను అహమే నువ్వైతే !
దాని జాడ తెలియకుంది !!
-
- స్వస్తీ...