వసుదేవసుతం(న్) దేవం(ఙ్),
కంసచాణూరమర్దనం
దేవకీపరమానన్దం(ఙ్),
కృష్ణం(వ్ఁ) వన్దే జగద్గురుమ్
ఓం శ్రీ పరమాత్మనే నమః
శ్రీమద్భగవద్గీతా
అథ ద్వాదశో౽ధ్యాయః
అర్జున ఉవాచ
ఏవం(మ్) సతతయుక్తా యే,
భక్తాస్త్వాం(మ్) పర్యుపాసతే৷
యేచాప్యక్షరమవ్యక్తం(న్),
తేషాం(ఙ్)కే యోగవిత్తమాః ৷৷1॥
శ్రీ భగవానువాచ
మయ్యావేశ్య మనో యే మాం(న్),
నిత్యయుక్తా ఉపాసతే꠰
శ్రద్ధయా పరయోపేతాః(స్),
తే మే యుక్తతమా మతాః ৷৷ 2 ॥
యే త్వక్షరమనిర్దేశ్యమ్,
అవ్యక్తం(మ్) పర్యుపాసతే꠰
సర్వత్రగమచిన్త్యం(ఞ్)చ,
కూటస్థమచలం(న్) ధ్రువమ్ ꠱ 3 ॥
సన్నియమ్యేన్ద్రియగ్రామం(మ్) ,
సర్వత్ర సమబుద్ధయః꠰
తే ప్రాప్నువన్తి మామేవ,
సర్వభూతహితే రతాః ꠱ 4 ॥
క్లేశో౽ధికతరస్తేషామ్,
అవ్యక్తాసక్తచేతసామ్꠰
అవ్యక్తా హి గతిర్దుఃఖం(న్),
దేహవద్భిరవాప్యతే ꠱ 5 ||
యే తు సర్వాణి కర్మాణి,
మయి సన్న్యస్య మత్పరాః꠰
అనన్యేనైవ యోగేన,
మాం(న్) ధ్యాయన్త ఉపాసతే ꠱ 6 ॥
తేషామహం(మ్) సముద్ధర్తా,
మృత్యుసంసారసాగరాత్꠰
భవామి నచిరాత్పార్థ,
మయ్యావేశితచేతసామ్ ꠱ 7 ||
మయ్యేవ మన ఆధత్స్వ ,
మయి బుద్ధిం(న్) నివేశయ꠰
నివసిష్యసి మయ్యేవ,
అత ఊర్ధ్వం(న్) న సంశయః ꠱ 8 ॥
అథ చిత్తం(మ్) సమాధాతుం(న్),
న శక్నోషి మయి స్థిరమ్।
అభ్యాసయోగేన తతో,
మామిచ్ఛాప్తుం(న్) ధనఞ్జయ ॥ 9 ॥
అభ్యాసే౽ప్యసమర్థో౽సి,
మత్కర్మపరమో భవ꠰
మదర్థమపి కర్మాణి,
కుర్వన్సిద్ధిమవాప్స్యసి ৷৷ 10 ॥
అథైతదప్యశక్తో౽సి ,
కర్తుం(మ్) మద్యోగమాశ్రితః।
సర్వకర్మఫలత్యాగం(న్) ,
తతః(ఖ్)కురు యతాత్మవాన్న ॥ 11 ॥
శ్రేయో హి జ్ఞానమభ్యాసాజ్,
జ్ఞానాద్ధ్యానం(వ్ఁ) విశిష్యతే।
ధ్యానాత్కర్మఫలత్యాగః(స్) ,
త్యాగాచ్ఛాన్తిరనన్తరమ్ ৷৷ 12 ॥
అద్వేష్టా సర్వభూతానాం(మ్) ,
మైత్రః(ఖ్)కరుణ ఏవ చ।
నిర్మమో నిరహఙ్కారః(స్),
సమదుఃఖసుఖః క్షమీ ৷৷ 13 ॥
సన్తుష్టః( స్) సతతం(య్ఁ) యోగీ,
యతాత్మా దృఢనిశ్చయః|
మయ్యర్పితమనోబుద్ధిః(ర్) ,
యో మద్భక్తః(స్) స మే ప్రియః ৷৷ 14 ॥
యస్మాన్నోద్విజతే లోకో,
లోకాన్నోద్విజతే చ యః|
హర్షామర్షభయోద్వేగైః(ర్),
ముక్తో యః(స్) స చ మే ప్రియః ৷৷ 15 ॥
అనపేక్షః(శ్)శుచిర్దక్ష ,
ఉదాసీనో గతవ్యథః|
సర్వారమ్భపరిత్యాగీ ,
యో మద్భక్తః(స్) స మే ప్రియః ৷৷ 16 ॥
యో న హృష్యతి న ద్వేష్టి,
న శోచతి న కాఙ్క్షతి।
శుభాశుభపరిత్యాగీ,
భక్తిమాన్యః(స్) స మే ప్రియః ॥ 17 ॥
సమః(శ్)శత్రౌ చ మిత్రే చ,
తథా మానాపమానయోః।
శీతోష్ణసుఖదుఃఖేషు,
సమః(స్) సఙ్గవివర్జితః ॥ 18 ॥
తుల్యనిన్దాస్తుతిర్మౌనీ ,
సన్తుష్టో యేనకేనచిత్।
అనికేతః(స్) స్థిరమతిః(ర్) ,
భక్తిమాన్మే ప్రియో నరః ॥ 19 ॥
యే తు ధర్మ్యామృతమిదం(య్ఁ),
యథోక్తం(మ్) పర్యుపాసతే।
శ్రద్దధానా మత్పరమా,
భక్తాస్తే౽తీవ మే ప్రియాః ৷৷ 20 ॥
ఓం తత్సదితి శ్రీమద్భగవద్గీతాసు
ఉపనిషత్సు బ్రహ్మవిద్యాయాం(య్ఁ)
యోగశాస్త్రే శ్రీకృష్ణార్జునసంవాదే
భక్తియోగో నామ ద్వాదశో౽ధ్యాయః
||శ్రీకృష్ణార్పణమస్తు||
ముగింపు ప్రార్ధన
యోగేశం(మ్) సచ్చిదానన్దం(వ్ఁ),
వాసుదేవం(మ్) వ్రజప్రియమ్ |
ధర్మసంస్థాపకం(వ్ఁ) వీరం(ఙ్),
కృష్ణం(వ్ఁ) వన్దే జగద్గురుమ్ ||
శ్రీమద్భగవద్గీత 12 వ అధ్యాయం - భక్తి యోగం
నందలి మొత్తం శ్లోకముల యొక్క శ్రవణము
